Questa, se no ve dispiasi, xe per Mario Demetlica.
Ciao mulon. Mi penso de eser più o meno, un tuo coetaneo. Son via de casa dal ’49 e come che me disi i fioi, pateticamente pien de nostalgia.
Guardando el tuo album de famiglia, qua su Istrianet, go trova la tua pagina sui dolci de Pasqua e me xe vegniu un gropo vedendo le Colombine, noi a Pola le ciamavimo Titole, mia mama le faseva sempre, fin vecia. I me diseva che le rapresentava Cristo morto, bendado come che iera uso al suo tempo. Mi xe da tanto che no go più nisun che sa far, quel che per noi veci de là , iera asolutamente indispensabile per far Pasqua: Pinze, col steso paston le Titole, i ovi e el Bacala ala giuliana in bianco. Adeso magno Paneton e Colomba, che me xe quasi indigesti, perche i me ricorda quel che no go più. Come Antonio Udina, che a Veglia el xe sta l’ultimo a parlar el vecio Dalmatico e con la sua morte, xe morta la storia de tuta la sua gente. Tristemente per noi ex giuliani penso, xe riservada la stesa sorte. Cusì, cos’te par, tegnimo duro?
Te saludo e auguro a ti e tuti i giuliani vagabondi, un bon Nadal, 2010, salute e lunga vita. Claudio