La scarsità de parecipasion su sto sito da nostri in dialeto, me fa pensar che semo in sai declino.
Stemo sparindo? Semo tuti morti? O come morti, no ne interesa piu de niente.
Contributi nel dialeto, che per secoli xe stà la lingua de comunicasion, fra tuti i grupi etnici in Istria, Quarnero, Dalmazia, qua i xe rari. Forsi no’l ve par bastansa fin?
I me dixi che anche ogi se pol viagiar per tuta quela costa oriental del’Adriatico e quaxi sempre eser capidi nel vecio dialeto.
Come mai noi del’Istria dove che’l venesian gaveva mutà in sta nostra lingua piu de 800 ani fa, no la doperemo? Su un sito istrian come questo, el dovaria dominar.
Scuxè sto mio outburst de emosion, ma son vecio e probabilmente senile. I dixi che uno no se acorgi co’l diventa.

Deso me go calmà ciogo sta ocasion per augurar a tuti in Istria e voi altri sparsi pel mondo, un Bon Nadal e 2010. Claudio canguro polesan