line_gbg68.gif (1697 bytes)

Winter
Customs and Traditions
line_gbg68.gif (1697 bytes)

 

Da Thiene (VI)

El presepio [venezian]

Na antica tradission che ogni ano ne fa rivývare el mirÓcolo del Nadale

de Bepin Daecarbonare

Quatro CiÓcoe

L'Adorassion del banbin Ges¨ (1620?) del pitore Gerard Van Honthorst.

[Tratto da: Quatro CiÓcoe, Mensile de cultura e tradission vŔnete - http://www.quatrociacoe.it/200412/presepio.php]

Se gavý ben osservÓ, in sti ¨ltimi tenpi, le fameje, mÓssima dove ghe xe putÚi pýcoli, ga "riscoperto" el presepio, che prima ciapava poco spassio, magari solo la NativitÓ, soto un gran Ólbaro de Nadale, meso sconto da 'e rame carghe de nýnoli e balete colorate, 'desso te lo vedi belo grando in sala da pranso o in altro posto de riguardo. Questo xe bon segno, anca se al dý de anc˛ le statuete xe de plÓstica e finto el mus-cio, quelo che pi¨ conta xe el significato: el Banbinelo, mirÓcolo de Amore, caressÓ da i oci de un putÚlo co vissýn al popÓ e la mama, el ghe ride da la paja, e contento el ghe manda un baso co la manina... questa sý xe poesýa!

Ogni ano a Nadale sto quadreto de la fameja, unýa davanti al presepio, el se rinova in tante case e, co i tenpi che core, xe da tegnÚrghene da conto.

Mi, la tradission de fare el presepio la go in tel sangue e anca 'desso a quasi setanta ani, un par de dý prima de Nadale a tiro fora el scatolon e pian pianelo scumissio a descartare le statuete de gesso mŔse consumÓ e scolorýe e me vedo putÚlo traficare co i stessi personagi ma pi¨ novi e freschi de colore.

Alora fare el presepio gera quasi na inpresa: prima de tuto bisognava fare l'inpalcadura jutÓ da me fradÚi, nel sotoscala rente al fogolare, dove pipava la stua a segaure, sora du cavaleti da lissia inciodÓvimu le tole che serviva da basamento e in alto tuto 'torno par sc˛ndare el muro, foli de carta blu trapontÓ de stÚle argentÓ. Derinpeto, el sfondo, piturÓ da Giovanni Aver, na vera bravura, dove nel deserto se inalsava un minareto tra na brancÓ de casete bianche co la c¨pola e quatro palme; nel verde poco distante, un s-ciapo de piegore parÓ da un pastorelo... na mareveja! E infine na stradela che intorcolÓndose fra 'l mus-cio, portava a la capana e, par quanto se tirasse i oci, da quanto ben la gera fata, no se capiva dove finiva quela piturÓ e scomissiava quela "vera" fata co le segaure.

PosÓ el mus-cio a slorde e co la marogna (scorie di carbone cock) fate le montagne e qualche grota, davanti su la destra ben in vista, postÓvimo la capana o mŔjo la grota, ricavÓ da na vecia s˛ca (ceppo) e te un canton, na possa de aqua co le arne de ciruloide e na doneta che lavava i pani. Su la sinistra in alto el castelo del re Erode fato de surlo (sughero), co tanto de merli e ponte levatojo; pi¨ in basso te un pianoro, casete de legno sensa teto, incolorýe de bianco e finestrele nere conpletÓ da na "moschea" col so minareto e un palmissio: un vero vilagio orientale.

SparpanÓ qua e lÓ le case de i pastori e qualche stala, fate de carton inpiturÓ. Par ¨ltimo se meteva le statuete che rapresentava la gente pi¨ ¨mile e poareta che, a l'anuncio de l'Angelo, par prima xe corsa a la Grota par adorare el Banbinelo: la stela cometa, co i so slusini de argento, tacÓ sora la Capana, ghe insegnava la strada.

A sto punto, dirý voialtri, el presepio gera finýo, mancava solo la statueta del Banbinelo che de rŔgola vegneva messa la note de Nadale co la lumeta de ojo inpissÓ vissin, tornÓ da la Messa de mesanote; ma ve sbaliÚ, parchÚ, par darghe un fiÓ de movimento, co la base de un vecio giradischi, gavevo fato na spece de strada m˛bile, e incolÓ par sora un pastore che sonava le baghe (cornamuse) co rente na desina de piegorete e pi¨ in lÓ na dona co la lanterna in man, che girando tondo le spariva te na caverna e le tornava fora par sc˛ndarse da novo fin che 'l giradischi se fermava. Co un t˛co de filo elŔtrico, un vaso de vero pien de aqua, un poca de gaveta co ligÓ un picolo triÓngolo de lamiera zingÓ e na manovela, calando 'dasio drento l'aqua el triangolo de zingo co la ponta in z˛, se sbassava la corente e, come par incanto, se faseva note e un "carillon" a susta, sconto drio na rocia, co na dolse nenia, cunava el Banbinelo.

Chel'ano al Concorso Aspiranti, go ciapÓ el primo premio e me ricordo ancora la facia che i ga fato l'assistente e la delegata davanti al fen˛meno del giorno e de la note, cˇ i xe vign¨ a vŔdare el me presepio par darghe un giudissio.

Ogni ano, soto Nadale, sti personagi, conpagni de la me infanzia insieme co i ricordi, me li ritrovo in man e, co l'entusiasmo de quando gero bocia, in sala da pranso soto el camineto tapessÓ de carta-rocia fasso el presepio e speto, col core pien de contentessa, me nevodo Michele de tre ani e meso che'l vŔgna a far caminare pastori e piegorete verso la capana, co le so pýcole manine.


Main Menu


Created: Sunday, November 03, 2002; Last updated, Sunday, December 06, 2015
Copyright ę 1998 IstriaNet.org, USA