|
I giochi del Fraliegio
Fogo e aqua Questo ziogo iera bel. Se cioleva un fazoleto o qualcoss'altro che se podeva sconder. Tuti se meteva intun canton e se doveva serar i oci per no veder quel che scondeva el fazoleto. Co 'l iera pronto el ne ciamava e scominziavimo a zercar. Vizinandose al posto dove che 'l iera sconto el ne diseva: - fogo, fogheto . Se inveze se lontanavimo: - aqua, aqua, ti te neghi. Pò co ierimo vizin vizin: - fogo, fogo, ti te brusi. Alora sbisigavimo tanto fina che 'l saltava fora. Dopo se tacava de novo. El fazoleto lo scondeva quel che lo gaveva trovà. I pugni Tuti insieme, tignindose per man, se fazeva un grande circolo, largo e longo quanto la corte, perchè ierimo in tanti. Uno restava fora e corendo torno, el tocava col pugno uno che ghe pareva. Alora quel che iera sta tocà, el se distacava e 'l se meteva a corer in senso contrario. Quel che rivava prima el ciapava el posto, e l'altro restava fora, per continovar el ziogo. El ditalTante picie se sentavimo in fila, co le palme de le man strete una contro l'altra, tignindole sui zenoci.Una la restava in pie col dital fra le sue palme ( ma podeva esser un boton, un sasseto o altro ); pò, passando tuta la fila, senza farse capir, la lassava cascar el dital ne le man de una picia. E alora la ghe domandava a una, che la saveva che no la ga el dital: Sartorela, sartorela, sai tu dirmi dov'è il mio ditale ? La picia la se alzava, la guardava tute le man e la segnava quele che ghe pareva più gonfie. Se la indovinava la restava ela in pie a dar el dital, se no, a indovinar, vigniva ciamada un'altra. E cussì avanti. SconderseIerimo tanti fioi, masci e femine. Uno stava soto e i altri i andava a sconderse. Quel che stava soto el se meteva contro un muro, co le man sui oci per no veder, contando fina a un numero che se iera dacordo e pò el zigava: Uno, due, tre - chi xe, xe, chi no xe, no xe, e mi vado e zerco. El se voltava e 'l scominziava a cercar. Quei che stava sconti i lo cucava, osservando de che parte el volta, per saltar fora e corer a tocar el posto dove che 'l iera sta soto, zigando che tuti senti: -Uno, due, tre, per me. Ma se 'l scoverseva uno, el tornava subito indrio, disendo: - Uno, due, tre per ... Se no vigniva scoverto nissun, o se anche el scoverto iera più svelto de corer, rivando per primo a tocar el posto, stava soto sempre l'stesso.Ciaparse Anche qua ziogavimo tuti insieme, masci e femine. A uno ghe tocava scominziar a corer drio de tuti i altri, e zercar de ciapar qualchedun. Quando che 'l tocava uno, questo doveva ciaparghene un altro. E cussì continovavimo a corerse drio, fina che se stufavimo. Le bele statueteCo se trovavimo insieme un bel ciapo de fioi, qualche volta se divertivimo a far le bele statuete. Uno restava fora per giudicar, i altri se meteva in tante pose, bufe e serie, drite e storte, come meio ghe pareva. A un segnal del capo tuti doveva star fermi e lu el sielseva la statueta che ghe piaseva de più. Quela la vigniva fora e la diventava giudize pe run altro giro de ziogo. Cussì andavimo vanti, guardandose e ridendo uno de l'altro, per le pose strambe che se impensavimo.El can
Ala una el can lavora, Source:
|
Created: Monday, April 18,
2005; Last Updated:
Friday, January 29, 2016
|